Balade 532 : Je sçay un large despensier (DCCCLXIX)

Autre Balade

                        Je sçay un large despensier
                        Qui conquiert tout par pertuesse.
                        A siés d’autrui est le promier,
                        La scet il monstrer sa largesse.
5                      Tout demande et prant, rien n’y lesse.
                        La sert chascun de trop beaus mos,
                        Et se vous demandéz : «― Qui esse ?
                        ― C’est Alixandre le poing clos.

                        Il scet blamer le bouteillier,
10                    Le queux, le maistre et la maistresse
                        S’ilz ne font bien appareillier.                                                            225a
                        La veult de gent veoir grant presse
                        Et que la viande ne cesse
                        Et que toudis ait vin en pos
15                    […][1]
                        C’est Alixandre le[2] poing clos.

                        Chiés li ne veult riens espagnier.
                        Il boit vin de vingne gouesse,
                        Pain halé, froumaige en quartier,
20                    Lart, vergus, c’est tout richesse,
                        Trois et trois .m. œufs, trop se blesse,
                        Donne mainte fois, tant est souls.
                        Aux estrangiers honnour l’adresse :
                        C’est Alixandre le[3] poing clos.

[1] Vers manquant

[2] Ms. au

[3] Ms. au