Balade 528 : Je n’aray jamais mestier (DCCCLXV)

Aute Balade

                        Je n’aray jamais mestier
                        De faire le hasselin,
                        D’armer ne de chevaucher
                        Ne d’aler logier a plain.
5                      Je ne tiens dent de poulain,
                        On le voit bien a ma chiere.
                        Vielle[1] m’a dit : ― Je te prain[2],
                        Tu porteras ma banniere.

                        Desor me fault tost coucher,
10                    Bien couvrir, dormir le main,
                        Bonne viande manger,
                        Avoir bon vin et bon pain.
                        Pour les grans ecés me plain
                        Que j’ay fait ça en arriere.                                                                  224a
15                    Vielle m’a dit : ― Je te prain,
                        Tu porteras ma banniere.

                        Femme n’est qui plus m’ait chier,
                        Pour ce que mon corps est vain.
                        Bien sçay quant il doit negier
20                    Ou plouvoir, tout de certain.
                        Je me tien miz a l’estrain.
                        Adieu, douce dame chiere !
                        Vielle m’a dit : ― Je te prain,
                        Tu porteras ma banniere.

[1] Ms. Viellesce

[2] Ms. prau