Balade 524 : On dit qu’il fault dissimuler (DCCCLXI)

Autre Balade

                        On dit qu’il fault dissimuler
                        Et que saige[1] est qui dissimule.
                        Et qui veult avoir cumuler
                        En dessimulant l’acumule.
5                      Et pour ce vueil porter la mule
                        Si qu’on ne me tiengne pour chievre.
                        Chascun est moqué qui recule :
                        Je vous di que la gist le lievre.

                        Mais cil qui veult tout emmuler
10                    Et d’avoir faire un trop grant mule,                                                   223a
                        Se puet de legier aculer
                        Se largesce ne le descule.
                        Face adonc que nulz ne l’acule,
                        Pis li vauldroit qu’acés de fievre.
15                    Se vous entendéz [bien] ma bule,
                        Je vous di que la gist le lievre.

                        Que vault ne braire ne hurler
                        Au negligent qui brait [et] hurle[2] ?
                        On le devroit [bien] anuler
20                    Quant par convoitise s’anule.
                        Pluseurs laissent la droite rule.
                        Il n’est mais Tristan ne Genievre,
                        Gauvain, Lancelot ne Romule :
                        Je vous di que la fist le lievre.

[1] Ms. saiges

[2] Saint Hilaire corrige en hule