Balade 513 : J’ain par amours la plus belle figure (DCCCXLIX)

Balade

                        J’ain par amours la plus belle figure
                        Que nulz homs puist de ses yeux regarder.
                        Courte et grosse est, et s’a la dant[e]ure,
                        Groin et chevaux con hure de sangler[1],
5                      Barbe ou manton. elle me fait trambler
                        Quant de ses yeux gros et noirs me regarde.
                        Maiz se semble le dyable a son parler :
                        Je prie a Dieu que mal feu d’enfer l’arde.

                        Court a le col et gros a desmesure,
10                    Maiz des tettes [se] scet bien acemer :
                        Trois piéz en a, qui a droit les mesure,
                        Jusqu’es[2] jambes li voit on avaler.
                        Elle en a bien pour un roucin maler,
                        Troppes d’un buef semblent, qu’y poet[3] garder.
15                    Nez a camus c’on sent a alerner :
                        Je pri [a] Dieu que mal feu d’enfer l’arde.

                        Courte eschine a, ventre plain de presure,
                        Qui toudiz bruit que tonnoirre en[4] escler,
                        Cul de jument, [et] trumeaux plains d’enfleure,
20                    Piéz de crapaut, bras qu’on ne doit seler,
                        Rons, cours et gros, ne s’en puet acoler                                          220b
                        Ne de ses mains. Pesans est et fetarde.
                        Onques ne fust faicte que pour rouler :
                        Je pri [a] Dieu que mal feu d’enfer l’arde.

[1] Ms. sanglier

[2] Ms. Jusques es

[3] Ms. qui bien y poet

[4] Saint Hilaire corrige en ou