Balade 511 : J’ay povre corps et bonne voulenté (DCCCXLVII)

Balade

                        J’ay povre corps et bonne voulenté,
                        Cuer de bien faire en verité [enclin],
                        Dont petit puis pour ma grant povreté
                        Et pour le corps qui poi puet de hutin :                                            219d
5                      Més le cuer est a toute honneur enclin,
                        Qui de mon corps a tous se plaint et tanse
                        Et dit partout au soir et au matin :
                        Pourquoy mist Dieux grant cuer en povre pense ?

                        Trop me merveil ce qu’est[1] ne qu’a esté,
10                    […][2]
                        Car leur grandeur est droite orribleté
                        Quant on les voit aler par le chemin,
                        Maiz leur queur mettent comme un mastin
                        Soubz [leur] jambes, qui rumeur leur commande.
15                    J’enrage lors comme [fol] acquarin :
                        Pourquoy mist Dieu grant cuer en povre pense ?

                        Dont puet venir a grant corps lascheté
                        Et au petit si courageux destin ?
                        Que n’a chascuns droicte propriété ?
20                    Veoir ne puis en ceste chosefin.
                        Se cuer eust corps, je fusse p[a]latin.
                        Se corps eust cuer, ainsi con je le pense,
                        Tout alast bien, maiz tout va a declin :
                        Pourquoy mist Dieux gran cuer en povre pense ?

[1] Ms. iqui est

[2] Vers manquant