Balade 507 : Je fu jadiz emprisonnéz (DCCCXLII)

Balade

                        Je fu jadiz emprisonnéz
                        En la tour Dangier le villain,
                        Pour ce que trop enamouréz
                        Fu de la tresbelle que j’ain.
5                      La m’assailli Honte et Desdain
                        Et Faulx Semblant li ypocrites,
                        Maiz je leur respondi le plain :
                        ― Mes seigneurs, j’oy bien que vous dites.

                        Par eulx fu lors interroguéz.
10                    A moy mirent de fait la main
                        En disant : ― Voir confesseréz,
                        Vueilliéz ou non, hui ou demain.
                        […][1]
                        Dire vous fault les demerites.
15                    Adonc leur diz : ― Je ne vous crain,
                        Mes seigneurs, j’oy bien que vous dites.                                          218d

                        Lors furent il tuit forcenéz
                        Et virent que[2] n’i fait pas sain,
                        A mon conseil estoit Pitiéz
20                    Et Raisons disans : ― Toy refrain,
                        Laisse dire, sache ton frain,
                        Lors seras de ta prison quittes.
                        Si les aux, disans ce refrain :
                        ― Mes seigneurs, j’oy bien que vous dites.

[1] Vers non édité ou vers manquant non signalé

[2] Ms. qui