Baladae 506 : Oéz, oéz l’ordenance du roy (DCCCXLI)

Autre Balade

                        Oéz, oéz l’ordenance du roy,
                        Vous qui avéz a son pere servi,
                        Soyéz aise se vous avéz de quoy :
                        Tous vous retient, ne soyéz esbahis !
5                                  Vous auréz tuit bouche a court,                                              218c
                        Maiz l’en vous fait d’avoir gaiges le sourt,
                        Et si n’aréz rien pour fourbir vos dens
                        Fors bouche a court, senz riens mettre dedens.

                        Establi est a la court comme loy
10                    Que viel servant ne soyent conjoy.
                        Ainsi l’ont [dit] li ancien, se croy,
                        N’oncques encor meilleur regle ne vi.
                                    L’un s’en fuit et l’autre acourt.
                        Ainsins le prix de l’un a l’autre court,
15                    Qui ne depart ilec a povres gens
                        Fors bouche a court sens riens mettre dedens.

                        Li viel servant eurent riche conroy,
                        Que li present estoient apovri.
                        Or est li temps retournéz, que je voy,
20                    Que des derrains sont li premier bany.
                                    Ainsi leur gloire decourt,
                        Dont se paigne ou le leur nes secourt,
                        Li[1] viel n’auront desormés, hors ne ens,
                        Fors bouche a court sens riens mettre dedens.

[1] Ms. Il