Balade 501 : Se vous vouléz veoir grant povreté (DCCCXXXVI)
Balade
Se vous vouléz veoir grant povreté,
Pays destruit et ville deserte[e],
Murs ruineux ou le feu a esté,
Povre logis et gent desconfortee,
5 Droit a Vertus est la chose esprouvee.
Vous y auréz povres lis et ors draps,
Et pour chevaulx dolereuse livree :
Pour ce te pri, gardes bien ou tu vas !
Les murs cheent, c’est trestout tempesté,
10 Mauvaiz y fait, c’est perilleuse alee.
Li Anglés ont par tout le feu vouté.
A pointes yert de nul temps relevee,
S’ont[1] en eulz aucune male goulee
D’autruy parler et de faire debas,
15 Dont la ville [est] de pluseurs moins amee :
Pour ce te pri, gardes bien ou tu vas !
Le terroir yert desormaisdeserté,
On ne tendra compte de la vinee,
Car il sera mal fait et labouré
20 Et [si] yra par tout la renommee.
L’en paiera mal ceste premiere annee.
Telz parloit haut c’on fera parler bas, 217d
Ainsi sera la ville anichilee :
Pour ce te pri, gardes bien ou tu vas !
[1] Ms. Et sont
