Balade 496 : O decevans, je te voy deceu (DCCCXXXI)

Autre Balade

                        O decevans, je te voy deceu.
                        Par convoitise et par force d’avoir
                        Trop a le cuer failli et recreu,
                        Ne tu [ne] faiz jamaiz a recevoir.
5                      Car tu pués bien la misere savoir
                        Que mariage donne generalment
                        Ou tu t’es mis, dont le proverbe est voir :                                        216d
                        Deceveurs sont deceus communement.

                        Theophastrés n’as pas bien proveu
10                    Ne d’Erculés, qui tant ot de pouoir,
                        Les faiz qu’il fist, ne de Sanson leu
                        Que Dalida seust si bien decevoir.
                        Dyanira fist Erculés ardoir
                        Par la chemise et l’enven[i]nement.
15                    Notte ses poins, bien te pourras doloir :
                        Deceveurs sont deceus communement.

                        Remambre toy du [bon] roy Pheneu,
                        Qui des Greçois faisoit bien son devoir.
                        Loys leur donna, et quant fu ageu
20                    Au lit mortel, a tous fist assavoir
                        Et a Leome qu’i[1] ne voult decevoir
                        Que il mourust bien am[our]eusement
                        S’onque espousé n’eust[2] femme a son espoir :
                        Deceveurs sont deceuz communement.

[1] Saint Hilaire corrige en qu’il

[2] Ms. se neust