Balade 488 : Homs hors du senz, plains de forçonnerie (DCCCXXIII)

Balade

                        Homs hors du senz, plains de forçonnerie,                                      215b
                        Tristes, dolens, chetifs et malostrus,
                        Est li meschans qui deux foiz se marie.
                        Puisqu’il s’i est une foiz embatus,
5                      Du premier cop il doit estre tenus
                        Pour ygnorant, mes s’il y entre arriere,
                        Des maleureux doit porter la banniere.

                        Car en exil met son corps et sa vie
                        Et devient serfs, laches et espandus,
10                    Et d’un errour fait seconde folie
                        Quant deux foiz est par femme[1] confondus.
                        Adonc vouldroit estre ars, mors ou pendus,
                        Quant priz se voit, et par telle maniere
                        Des maleureux doit porter la banniere.

[1] Ms. ma femme