Balade 482 : Jehan Sejourné est bien mis au sejour (DCCCXVII)

Autre Balade

                       Jehan Sejourné est bien mis au sejour,
                        Ne besoing n’a plus de lui travailler,
                        Mariage doit hair et resour.
                        Qu’il y entra trop m’en puis merveillier,
5                      Car il le fault en engoisse veiller                                                       214b
                        Et labouruer et de jour et de nuit :
                        Senz lui maudire a asséz qui li nuit.

                        Car il a mis sa leesce en tristour,
                        Et sa franchise convient humilier,
10                    Sa joye en dueil et son deduit en plour,
                        Et sa force convient amolier.
                        Mauvaiz se fait en tel estat lier
                        Quant perdu a joye, paix et deduit,
                        Sanz li maudire a asséz qui le nuit.

15                    Adieu li dy, je n’y voy nul retour
                        Fors que la mort qui le fait sommeiler.
                        Ordener doit desormaiz son atour,
                        Car eschapper n’en pourroit d’un millier
                        Tel comme il est, un seul, au mien cuidier.
20                    Preste[1] la mort qui a s’oreille bruit :
                        Sans li maudire a asséz qui li nuit.

[1] Saint Hilaire supplée est