Balade 476 : De tous les culz lays et maugracieux (DCCCX)
Autre Balade
De tous les culz lays et maugracieux,
Brodéz de bran et noirs comme arremens,
Taschéz dehors, puans et plains de neux,
A brinbaudes et cloquettes sonnans,
5 Est li culz Regnault d’Engennes
Un droiz marés pour bourbeter les cannes,
Ou tout fiens et toute ordure habonde :
Je croy qu’il n’a nul plus ort cul ou monde.
Car velus est, enfondus et rongneux.
10 C’est grant orreur de regarder dedens,
A l’environ est de crotes breneux,
Maiz de saveur est trop mal odorans,
Car toute la mer de Gennes,
Pour le laver et ramonner de pennes,
15 Ne feroient que il fust net et monde :
Je croy qu’il n’a nul plus ort cul ou monde.
Li creux d’enfer n’est mie plus hideux.
De le veir seroit on hors du sens,
Car paintre n’est tant merencolieux, 213a
20 Qui le painsist : maiz de la ist telz vens
Que pour ouvrir deux lucannez
Dire puet l’en : tousjours vessez ou brannez.
Tresors poitras, li vraix Dieu te confonde :
Je croy qu’il n’a nul plus ort cul ou monde.
