Balade 443 : Tu, qui me faiz si puant route (DCCLXXVII)

Balade

                        Tu, qui me faiz si puant route,
                        Et qui gettes si ors sangloux,
                        Pendus soit qui t’aprint tel note !
                        S’a fait tes ventres qui est glous,
5                      De trop boire et mangier jaloux
                        Tant qu’il te sault par les conduis                                                    205d
                        Et par la bouche comme uns leux[1].
                        Estront, par la ! g’iray par huys.

                        Li vins es narines te flote.
10                    Tu poiz, tu boiz, tu es estoux,
                        Ton ventre joue a la pelote
                        Et bruit. Maudit soit il de tous !
                        La froideur, la rume et la toux
                        En reuppant par ta bouche duis,
15                    Et en dy comme merveilloux :
                        Estront, par la ! g’iray par huis.

                        Va chier, laisse tel riote,
                        Euvre le conduit de dessoubz,
                        Cy faiz venir au bout la crote,
20                    Le remonter est trop prilleux.
                        Lors l’appellon pet orguilleux,
                        Quant par foire est amont raduis,
                        En disant pour ce […][2]
                        Estront, par la ! g’iray par huis.

                        L’envoy

25                    Princes, quant on oit tele flote
                        Qui par la bouche vient, je truis
                        Que l’en doit dire, qui bien note :
                        Estront, par la ! g’iray par huis.

[1] Saint Hilaire corrige en loux

[2] La fin du vers manque