Balade 431 : Amour, Amour, humblement vous mercye (DXLV)

Autre Balade  172b

                        Amour, Amour, humblement vous mercye
                        Et a tousjours vostre servant seray,
                        Pour vostre honneur, pour vostre courtoisie,
                        Et pour les biens et doulz pensers que j’ay.
5                      Ne jamais jour Dieu terrien n’aray
                        Fors vous tout seul ou je vueil tout offrir,
                        Le cuer, le corps. voz homs suy et seray,
                        Depuis que j’ay tout ce que je desir :

                        C’est doulx espoir en l’amoureuse vie
10                    Que je de vous en hommage assevie,
                        En la meilleur et la mieulx assevie,
                        Ou plus gent corps et meilleur que je sçay,
                        Qui oncques feust. Pour ce vous serviray,
                        Et elle aussi vueil tout mon temps servir,
15                    Ne jamais jour mon cuer n’en partiray
                        Depuis que j’ay tout ce que je desir.

                        Car vray espoir qui ne me lesse mie
                        Et doulx regart par qui je me blessay
                        Et la biauté de sa phisonomie,
20                    L’umble parler dont je me confortay,
                        Et la doulour de quoy je me hurtay,
                        Qui en moy tient cest amoureux desir,
                        Que jamais jour departir n’en lairay
                        Depuis que j’ay tout ce que je desir.

                        L’envoy

25                    Prince d’Amours, en leesce vivray
                        Doresnavant[1], le vueillés consentir,
                        Et de tous maulx mon penser garderay
                        Depuis que j’ay tout ce que je desir.

[1] Ms. doresenavant