Balade 413 : Se le souleil de biauté n’enlumine (DXXVI)

Balade

                        Se le souleil de biauté n’enlumine
                        La tenebreur que Penser met en moy
                        Si[1] que Pitié, par sa doulce racine,
                        Face le fruit cueillir de doulx octroy,
5                      Desir, Plaisir et Souvenir, cil troy
                        Feront mon cuer mourir de mort plus dure
                        Que Narcisus, ne remede n’y voy,
                        Fors de languir plus qu’autre creature.
                        Par ce souleil enten et determine
10                    Ma doulce amour. Par Tenebreure l’anoy

                        Qui pour amer de jour en jour me mine
                        La flour des flours que tant honnorer doy.
                        Et par Penser en mon penser marvoy,
                        Pour la paour de reffus que trop dure.                                             167d
15                    Se Pité n’est, je n’aten, par ma foy,
                        Fors de languir plus qu’autre creature.
                        Las ! quant vendra le jour et le termine
                        Mon bien mondain, la deesse ou je croy.
                        […][2]

[1] Ms. Et

[2] Texte incomplet