Balade 406 : Bien est Amour fichiee ou cuer de my (DXIX)

Autre Balade

                        Bien est Amour fichiee ou cuer de my,
                        Qui ne s’en part heure, jour ne demie,
                        Car en dormant m’appelle son amy,
                        Et[1] m’est avis, la tresnoble et jolie,
5                      Qui tant me fait mener joieuse vie
                        Qu’il me semble toudiz que je la voye
                        En trestous lieux quelque part que je soie.                                     166b

                        Et je doy bien faire joie pour li[2],
                        Car par elle ay cuer, corps, estat et vie.
10                    Noble dame est, n’oncques meilleur ne vy,
                        Ne qui mieulx feust de maniere garnie.
                        De toute honneur est si bien assevie
                        Qu’il me semble qu’autre veoir ne doye
                        En trestous lieux quelque part que je soie.

15                    Pour ce du cuer humblement lui supply
                        Que mon amour ne soit point sanz partie,
                        Car tout suy sien et sanz point de demy,
                        Ne jamais jour n’en feray departie.
                        Vueille estre donc et ma dame et m’amie.
20                    Lors ne pourray avoir fors toute joye
                        En trestous lieux quelque part que je soye.

[1] Saint Hilaire corrige en Ce

[2] Ms. lui