Balade 395 : Tant rudes n’est qui ne lait (DVIII)

Autre Balade[1]

                        Tant rudes n’est qui ne lait
                        Par Amour sa ruderie,
                        Car Honneur est du doulx lait
                        D’Amour en tous temps nourrie.
5                      Quant nulz fait mal, elle crie
                        Qu’Amour doit Honte doubter.
                        Amons donc, je vous en prie.
                        Il n’est vie que d’amer.
                        Amour a pité attrait
10                    Cuer plain de grant felonnie,

                        Et l’omme cruel retrait
                        Maintes foiz de sa folie.
                        Sanz amour n’est chose lie,
                        Amour puet tous maulx muer.
15                    Pour ce fault que je vous die :
                        ― Il n’est vie que d’amer.
                        Il n’est nulz plus doulz attrait
                        Que d’amer dame jolie.
                        C’est un precieux entrait                                                                    164a
20                    Dont mainte playe est guerie.

                        Sanz mal et sanz tricherie,
                        Doit chascun continuer
                        Bonne amour, ou il folie :
                        Il n’est vie que d’amer.
                        L’envoy
25                    Prince[s], Amour s’umilie
                        Amour a Dieu l’ame lie.
                        Amour fait le corps garder
                        D’orgueil et d’ypocrisie.
                        Chascun en Amour se fie :
30                    Il n’est vie que d’amer.

[1] Ballade sur le même sujet que la précédente avec les mêmes rimes.