Balade 394 : Nulz ne puet estre parfait (DVII)

Balade

                        Nulz ne puet estre parfait
                        Ne mener joieuse vie
                        S’amour joieux ne le fait,
                        Qui soustient chevalerie.
5                      Elle seroit tost perie,
                        Et science au paraler,
                        Se ce n’estoit sa maistrie :
                        Il n’est vie que d’amer.

                        Qui ayme, il ne se meffait,
10                    Mais escheve villenie.
                        Amant escheve[1] maint fait                                                                  163d
                        Que sens[2] ce ne feroit mie.
                        Amour fait amer clergie
                        Et tous vices rebouter.
15                    Amour tient la seigneurie :
                        Il n’est vie que d’amer.

                        Sanz Amour est imparfait
                        Tout homme. Amour het Envie.
                        Amour het tout pechié lait.
20                    Amour ayme vraye amie.
                        Amour fait tout en partie
                        Deça et dela la mer,
                        Et pour ce l’amer renvie :
                        Il n’est vie que d’amer.

[1] Ms. eschevent

[2] Saint Hilaire corrige en sans