Balade 388 : A la feste de par le chevalier (DI)
Autre Balade
A la feste de par le chevalier
A l’escu d’or, lui .xme. dedens,
Faicte a Paris, .xvi. jours en Fevrier,
Droit a Saint Pol fu bel li joustemens
5 Pluseurs joustans veissiéz sur les rens
Lances brisier, mainte dame jolie
Aux fenestres pour le pris aviser :
Omont dedens, de dehors Jehan de Trye.
La fu le roy pour veoir le mestier,
10 [Et] avec lui pluseurs de ses parens,
Les duchesses ses antes, qu’il a chier,
De Bourgogne, de Bar et leurs enfans.
La oyssiéz [grant] noise d’instrumens
Et maint herault et poursuiant qui crie 162c
15 Le pris donner au soir, sur le dancier :
Omont dehors, de dedens Jehan de Trie.[1]
Le secont jour josutent li escuier.
Dix de dedens en mesmes paremens.
La veissiéz de grans coups emploier,
20 Tumber, verser escuiers hors et ens.
De Lucembourc y fu Jehan forjoustans
De ceulx de hors, et de dedens Helie,
Qui de Neillac donnoit le [puis] premier,
Omont dedens, de dehors Jehan de Trie.
[1] Saint Hilaire rétablit Omont dedens, de dehors Jehan de Trie
