Balade 375 : Par dessus tous, pour le bien que je sçay (CCCCLXXXVIII)

Autre Balade

                        Par dessus tous, pour le bien que je sçay
                        Et que j’ay veu estre en vostre personne
                        Plus qu’en autre, vous sers et serviray,
                        Comme cellui qui cuer et corps vous donne.
5                      […]
                        Comme au seigneur qui puist vivre et mourir
                        Que chascun doit plus voulentiers servir.

                        Et, par ma foy, voulentiers le feray,
                        Car vous portéz au jour d’huy la couronne
10                    D’umilité, d’onneur et de cuer gay,
                        De vaillance qui en voz fais s’adonne
                        Et d’acquerir chevalerie bonne.
                        Dont je vous tien le seigneur, sanz mentir,
                        Que chascun doit plus voulentiers[1] servir.

15                    Puissans de corps, jeunes, bons a l’essay,
                        Bien traveillans de largesce la bonne,
                        Noble homme et grans, loyaulx et de cuer vray,                               159
                        Saige en voz dis qui bien vous araisonne,
                        Bel et jolis. Donc qui tous ces poins sonne,
20                    Droit seigneur estes pour tout bien remerir
                        Que chascun doit plus voulentiers servir.

[1] Ms. vaillamment