Balade 371 : Loyaulté soit a vous attribuee (CCCCLXXXIV)

Autre Balade

                        Loyaulté soit a vous attribuee,
                        Honeur aussi, branche des fleurs de lis
                        Ysnelece vous soit distribuee,
                        Sapience dont vous estes eslis,
5                                  Diligence vous conserve.
                        Verité veult et doit estre vo serve.
                        Courtoisie doit garder vostre enseigne,
                        Si feréz lors ce que voz noms enseigne.

                        Deffense soit au peuple tribuee,
10                    Amour a Dieu, fuiéz charnelz delis.
                        Neté de corps vous soit contribuee.
                        Joyeux soiés sanz estre escandelis.
                                    Ou est ce qui vous observe ?                                                  158d
                        Vraye pitié et largesce desserve
15                    Comment chascun de savoir vous enseigne.
                        Si feréz lors ce que vos noms enseigne.

                        O grant gloire vous yert retribuee,
                        Nobles princes, soiéz desgourdelis.
                        Tout doit estre fait net par vo buee,
20                    Et en grant payne li regnes assaillis.
                                    Dieu pour ce fait vous preserve,
                        Vertu, vaillance et pouoir vous reserve.
                        Mettéz vous sus, faictes c’om entreprengne,
                        Si feréz lors ce que voz noms enseigne.