Balade 369 : Judith en fais, Lucresse en voulenté (CCCCLXXXII)

Balade

                        Judith en fais, Lucresse en voulenté,
                        Rebeque en sens, en noblesce Ecuba,
                        Sarre loyal et Helaine en biauté,
                        Plaisant Hester et royne de Sabba,
5                      En ferme foy et en sainté Anna,
                        Semiramis pour gouverner contree,                                                 158b
                        Et pour honneur et gens veoir Martha,
                        Dydo, Palas, Juno, Penelopee,

                        Marie en grace et en humilité,
10                    En doulx maintien et en gent corps Flora,
                        Marguerite en coulour et purté,
                        Pure estoille, clere comme Aurora,
                        Desiree trop plus que Medea,
                        Katherine vous a endoctrinee,
15                    Qui, en tous lieux, appeler vous fera
                        Dydo, Palas, Julo, Penelopee,

                        Ces .iiii. noms vous sont representé.
                        Or soit benoit qui les exposera.
                        Et li autre vous sont a droit enté,
20                    Car chascun d’eulz vostre corps gardera,
                        Et pour vo bien mes cuers vous amera
                        Tant que jamais n’en feray dessevree.
                        Mais, mon corps mort, m’ame suir vourra
                        Dydo, Palas, Juno, Menelopee.