Balade 330 : Sy me fait [une] et en thiés pais (CCCCXL)

Autre Balade

                        Sy me fait [une] et en thiés païs,
                        Par son regart toute joye descendre.
                        Par ses doulx yeux est mes cuers envaïs,
                        Et si fort trais qu’il ne se puet defendre.
5                      Sanz coup ferir le fault mourir ou rendre,
                        En vray espoir d’esperer guerison.
                        Se la belle veult sa cure entreprendre,
                        Oncques amant n’ot si doulce prison.

                        Mais trop sera li dolens esbahis,
10                    Se par pitié ne veult a bien entendre
                        La doulce flour, li mondains paradis,
                        Li gentils corps, la jeune belle et tendre,
                        Qui de ses biens pourroit guerir, du mendre,
                        Tous langoureux par sa doulce raison.
15                    S’il lui plaisoit a mon salut entendre,
                        Oncques amant n’ot si doulce prison.

                        Or lui supply qu’en doulce prison mis
                        Soit cilz qui veult bien sa mercy attendre,
                        Et ne soit pas traité comme ennemis,
20                    C’est mon las cuer ou elle a fait descendre
                        […]
                        Tant c’onques mais ne fu si fort pris hom.                                       149a
                        Grace requier : si tel grace puis prendre,
                        Oncques amant n’ot se doulce prison.