Balade 176bis : J’ay le cuer bon, mais le corps ne vault rien (CCCCXXIX)

Balade

                        J’ay le cuer bon[1], mais le corps ne vault rien.                                [146a]
                        Argent me fault, mais trouver ne le puis.
                        J’ay les jambes de trop foible merrien,
                        Gresle du corps, des bras trop menu suis.
5                      J’ay voulenté, mais de force suy vuis.
                        Je parle gros, mais pou vail ens ne hors.
                        Merveilles fais partout ou je me truis :
                        [Il ne me fault que finance et bon corps.][2]

                        Quant j’ay de quoy, je boy et mengu bien,
10                    Ja ne seray de fort jangler destruis.
                        Voulentiers vois, mais j’ay petit du mien :
                        Par journoier seroie tost destruis.
                        J’en tue un cent et les gette en un puis,
                        Par mon parler en sont .iiiic. mors.
15                    Je me combat et de jours et de nuis :
                        Il ne me fault que finance et bon corps.

                        Je ne desir fors que saint Julien,
                        Et son hostel, dont bon fait trouver l’uys.
                        De saint George pas grant compte ne tien,
20                    De sa guerre n’est mie grans deduis.
                        Si suy je bien en ses armees duis.
                        De genz tuéz y ay un millier mors.
                        Si grant feusse, je feisse trop d’annuis :
                        Il ne me fault que finance et bon corps.

[1] Ms. J’ay bon cuer

[2] Vers manquant suppléé d’après CLXXVIII