Balade 318 : Se richesces feissent homme durer (CCCCXXVII)

Autre Balade

                        Se richesces feissent homme durer                                                   145c
                        Et sens feist qu’il ne peust mourir,
                        Force, biauté, vie perpetuer
                        Et grace aussi en un estat tenir,
5                      On deust bie ntelz choses acquerir.
                        Mais chascun scet et voit tout de certain
                        Que jeune et vielx, biaux et fort, fault fenir,
                        Car homme n’est qui ait point de demain.

                        Le corps ne puet au monde demourer
10                    Qu’a certain temps ne le faille pourrir.
                        Corrompable est, si le fault retourner,
                        Corrupcion et cendre devenir.
                        De ce devroit a chascun souvenir,
                        Faire le bien, estre de pité plain,
15                    Laissier le mal, bon renom poursuir,
                        Car homme n’est qui ait point de demain.

                        Crisés est mort qui tant pot amasser,
                        Et Salomon n’a peu sens detenir :
                        Sanson Fortin a fait la mort finer
20                    Et Absalon le tresbel deperir,
                        Alixandre le grant roy enfouir.
                        Et puisque tous devons suir leur train,
                        Ne nous chaille fors de l’ame servir,
                        Car homme n’est qui ait point de demain.

                        L’envoy

25                    Prince, bon fait Dieu cremir et loer,
                        Lui obeir et amer son prochain
                        Sanz faire mal et sanz trop convoiter,
                        Car homme n’est qui ait point de demain.