Balade 309 : Desir, plaisir et souvenir (CCCCXVIII)

Autre Balade

                        Desir, plaisir et souvenir
                        Et amour qui de moy ne part
                        Me font souspirer et fremir
                        Et me resveillent main et tart,
5                      Quant je pense par moy a part
                        Et voy que je ne puis avoir[1]                                                                 143c
                        Veoir vostre tresdoulz regart.
                        C’est ce qui me fait endurer

                        Tant de mal et de desplaisir
10                    Qu’a pou que le cuer ne me part
                        De douleur. Mais Honneur venir
                        Me fait Paour, se Dieu me gart
                        Qui me dist : Endure ce dart.
                        Bonne amour se doit trop celer,
15                    Qui enfin joye aux bons depart :
                        C’est ce qui me fait endurer.

                        Et quant par ce ne vous puis vir,
                        Dont mon povre cuer frit et art,
                        Vueille vous de moy souvenir,
20                    Car j’ay espoir, et main et tart,
                        Que mal temps, tonnoire n’espart
                        Ne peuent longuement durer.
                        Joye arons aprés ce depart :
                        C’est ce qui me fait endurer.

[1] Saint Hilaire préfère ne pas éditer ce mot qui fausse la rime et laisse la fin du verre en blanc