Balade 302 : Quant me souvient de vostre grant bonté (CCCXI)

Balade amoureuse

                        Quant me souvient de vostre grant bonté,
                        De vo gent corps, de vostre belle vie,
                        De vostre sens, de vostre humlité,
                        Qui tout passéz en honneur, je deffine
5                      Quant ne vous voy, maistoudie multiplie
                        […]
                        Pour ce mon cuer fu, a vo departie,
                        Triste au depart et joieux au retour.                                                  141c

                        Tristes en tant[1] que j’oy toute durté
10                    De mon depart et grant melencolie,
                        Quant je laissay vous, dame de purté,
                        Qui de tous biens estes si assouvie
                        Que mesdisant, orgueil, despit n’envie
                        Ne saroient sur vous faire clamour
15                    Ne dire mal. Ce me fist, en partie,
                        Triste au depart et joyeux au retour.

                        Joyeux me fait le retour, car Pité
                        Me donne espoir de vous que je supplie,
                        En esperant veoir vostre biauté,
20                    Et lors Mercy me fera compaignie.
                        Or vous supply que ne ne m’oubliéz mie,
                        Car vous m’avéz lené au lit de plour,
                        Qui fait m’avéz et ferés, quoy c’om die,
                        Triste au depart et joyeux au retour.

                        L’envoy

25                    Dame, mes cuers au vostre s’umilie.
                        Souviengne vous de moy, tresdoulce flour,
                        Qui m’avéz fait, et par mainte nuytie,
                        Triste au depart et joyeux au retour.

[1] Ms. tout