Balade 301 : Or sçay je bien que vous ne m’aymez pas (CCCCX)

Autre Balade amoureuse

                        Or sçay je bien que vous ne m’ayméz pas,                                        141b
                        Et je le puis monstrer tresclerement.
                        Pourquoy ? Pour ce que je voy, en tous cas,
                        Vous departir de moy soubdainement
5                      Et sejourner un pou trop longuement,
                        Dont vous avéz trop fort vers moy failly,
                        Avec celle qui vous het et vous ly.

                        Qui fait vous a et fera mains debas
                        Et qu vous tient tresperilleusement
10                    En ses destrois, en ses perilleux las[1],
                        Mais ja pour ce n’aymera loyaulment
                        Ne ne sera en vo commandement.
                        Si me merveil[2] de vous tenir ainsi
                        Avec celle qui vous het et voys ly.

15                    Car avec lui n’aréz ja nul soulas,
                        Bon en seroit vostre departement.
                        Dittes moy donc, dame, que c’est, helas !
                        Une marche est qui vous het durement,
                        Vous la heéz, et m’avéz simplement
20                    Pour demourer ja par trois fois guerpy
                        Avec celle qui vous het et vous ly.

[1] Ms. pas

[2] Ms. merveille