Balade 251 : Long conseil est sanz execucion (CCLIV)

Balade comment conseil sanz execution n’est que moquerie, perte et grant derrision

                        Long conseil est sanz execucion,
                        Com de cellui qui pense un edifice
                        Et n’a chaux, [ne] matere, ne sablon,
                        Ne manouvrier qui en face l’office.
5                      Et lui semble proprement
                        Que l’ostel ait ja assovissement
                        Et en devise et avant et arriere,
                        Et semble a touz bon le devisement,
                        Mais au faire gist toute la maniere.

10                    Au conseil a chascun s’oppinion,
                        Tuit dient bien, mais qui vient au service
                        D’executer, nul n’y a vision.
                        Leurs consaulx est de fourree pelice.
                        Es armes communement
15                    Conseille toy a ceuls qui proprement
                        Doivent aler soustenir ta banniere :                                                   54d
                        Clers n’y vont point, et font le jugement,
                        Mais au faire gist toute la maniere.

                        En armes fault preste provision
20                    De gens expers, paine, force et malice.
                        Non pas si grande consultacion,
                        Et que telz gens n’aient point de perice
                        Mais voisent hastivement
                        Faire leurs faiz sanz tel conseillement,
25                    Dont trestout va ce que devant derriere,
                        Et leur semble trop bon leur pensement,
                        Mais au faire gist toute la maniere.