Balade 219 : Phisiciens qui conseille la vie (CCXXI)

Balade

                        Phisiciens qui conseille la vie
                        Doit cautement en son malade ouvrer
                        Sanz l’esbahir. Mais se la maladie                                                       47c
                        Est jusqu’a mort, ne lui doit pas celer,
5                      Afin qu’il puist de son ame ordener.
                        Car autrement par le phisicien
                        Pourroit la mort corps et amer escheler :
                        Taire le voir en ce cas n’est pas bien.

                        Prince qui a noble et grant seignourie
10                    A l’enferme puis moult bien comparer.
                        Le medecin son conseil signifie
                        Qui doit son fait saigement gouverner.
                        Par la guerre puis son mal figurer,
                        Et par celer ennemi terrien
15                    Qui le sien prant, sanz l’en oser parler :
                        Taire le voir en ce cas n’est pas bien.

                        Car le seigneur y a grant villenie,
                        Et si ne puet sa perte recouvrer
                        Se riens n’en scet, chascuns ne le scet mie.
20                    C’est grant peril d’ainsi dissimuler,
                        C’est ce qui fait un pays deserter,
                        Et au peuple perdre vie et le sien,
                        Et l’ennemi l’ennemi subjuguer :
                        Taire le voir en ce cas n’est pas bien.