Balade 216 : Je voy que riens n’est estable (CCXVIII)

Autre Balade

                        Je voy que riens n’est estable,
                        De jour en jour tout se mue,
                        Riens n’est seur, mais tout doubtable,
                        Toudis propos se remue.
5                      Nulz n’a certaine attendue
                        Es gens de l’aage present.
                        Qui se courroce, il se tue.
                        Bon fait vivre liement.

                        Le temps n’est pas variable,
10                    Tousjours tourne ciel et nue
                        Aux elemens acordable,
                        Jasoit ce qu’aucun argue
                        Que c’est le temps qui inmue.
                        Mais certes ce fait la gent
15                    Qui est tele devenue.
                        Bon fait vivre liement.

                        Et puis que tout est muable,
                        Tristesce a un chascun rue
                        Qui tout fait desagreable.
20                    Joie est de tous poins perdue,
                        Or voist tout a la massue.
                        Prandre vueul confortement,                                                               47a
                        Qui dueil fait, il se partue :
                        Bon fait vivre liement.