Balade 215 : Deffault d’advis et la noncongnoissance (CCXVII)

Balade

                        Deffault d’advis et la noncongnoissance[1]
                        En cuer qui a sens et discrettion
                        De maint seigneur ont destruit la puissance
                        Et son estat mis a destruction.
5                      Par ces deux vient toute perdicion
                        Aux seculiers et en l’estat de cloistre,
                        Dont je feray cy declaracion :
                        Noble chose est d’avis et de congnoistre[2].

                        Homs adviséz a des bons congnoissance :
10                    Des vaillans doit lors faire election,
                        Et des saiges faire la pourveance
                        Et les avoir en grant dilection.                                                            46d
                        Par leur conseil mouvoir son action
                        Et les amer, ou il ne vault une oistre,
15                    Et perdra tout, [dont] en conclusion :
                        Noble chose est d’avis et de congnoistre.

                        S’ainsi le fait, par leur bonne ordenance
                        Il puet regner, mais l’execucion
                        De leur cosneil d’advisee atrempance
20                    Doivent briefment mettre a finicion.
                        Default d’avis est la decision
                        De fortune qu’om ne doit incongnoistre,
                        Qui mais pais fait perdre et region :
                        Noble chose est d’avis et de congnoistre.

[1] Ms. de noncongnoissance

[2] Ms. congnoissance