CCX. Pourquoi fist Dieu les.v. sens de nature

Balade tresmorale 45b

                        Pourquoi fist Dieu les .v. sens de nature,
                        Fors pour l’omme saigement gouverner
                        Et en jour par droit et par mesure,
                        Oir, veoir, sentier et odorer,
5                      Taire et soufrir et autre foiz parler ?
                        Mais ces .v. sens sont peris au jour d’ui,
                        Car je n’en voy a droit user nullui.

                        Ne je ne sçay de quoy sert l’escripture
                        Que pluseurs vont maintefois regarder,
10                    Quant en lisant n’ont de bien faire cure.
                        Mieulx leur vaulsist du lire retarder,
                        Car de leurs maulx se peussent excuser
                        Aucunement. Rien n’est du bien d’autrui
                        Car je n’en voy a droit user nullui.

15                    Las ! au jour d’ui voy mainte cretaure
                        De ces .v. sens laidement habuser,
                        Et en user contre toute droiture,
                        Estre muyaux et de sens aveugler,
                        Taire le bien et le mal eslever.
20                    Raison deffault, dont je mourray d’ennuy
                        Car je n’en voy a droit user nullui.