Balade 207 : Je voy a tout changer condicion (CCIX)

Balade

Comment tout change sa condicion

                        Je voy a tout changer condicion,
                        Et que chascuns de sa regle se part.
                        Li sers viennent en dominacion,
                        Seignourie des seigneurs se depart,
5                      Lasche hardi, et li hardi couart,
                        Li saige foul, et li foul se font saige,
                        Et li[1] donneur veulent tout mettre a part :
                        Dont puet venir au jour d’ui tel usaige ?

                        Es bestes, voy debonnaire lyon[2],
10                    Aignel crueus, entreprenant lyeppart,
                        Le loup piteus, le poucin champion.
                        Et pour le gros voy voler le busart,
                        L’aigle et l’austour voy devenir fetart,
                        Et le coulon veult faire vassellage,
15                    Et le cenglier veult estre papelart :
                        Dont puet venir au jour d’ui tel usaige ?

                        Le clergié veult prandre pugnicion
                        Et guerrier, la prince se depart
                        D’armes suir, et tribulacion
20                    Par tous ces poins de ses maulx nous repart.
                        A chascun deust bien soufire son art
                        Sanz convoiter l’autrui ne faire oultrage.
                        Mais c’est tout rien qui ne scet du Renart :
                        Dont puet venir au jour dui tel usaige ?

[1] Ms. lui

[2] Ms. le lyon