Balade 198 : Que vault avoir cent ou .ii.c chevaulx (CC)

Autre Balade

                        Que vault avoir cent ou .ii.^c chevaulx
                        Derrier son dos et en sa compaignie,
                        Les gens aussi ? ce ne sont que travaulx,
                        Pompe et orgueil qui abregent la vie.
5                      Crueulx despens, riote de mesgnie,
                        Destruit autrui et a mont et a val,
                        Regnent entre eulx avarice et envie :
                        Homme ne voy chevauchier c’un cheval.

                        Je croy qu’onques ne fut si fort vassaulx
10                    Qui a un coup peust faire chevauchie
                        De .ii. chevaulx, tant fust hardiz ne baux.
                        Qu’en valent tant ? certes, c’est grant folie,
                        Un seul cheval le travail amolie
                        D’un laboureur com cil d’un seneschal,
15                    Et despent moins, n’en tele seignourie
                        Homme ne voy chevauchier c’un cheval.

                        Qui plus a gens et plus se doubte d’aulx
                        Et plus languist, ne vous en doubtéz mie,
                        Et s’en treuve on souventefoiz de faulx
20                    Et lui convient en la greigneur partie
                        User le sien, recevoir villemnie
                        Se ses gens font pour vivre a autrui mal.                                           43c
                        Advise chascuns, je vous supplie :
                        Homme n voy chevauchier c’un cheval.