Balade 190 : Je, Sebile, prophete, la Cumayne (CXCII)

Balade

                        Je, Sebile, prophete, la Cumayne,
                        Qu’en .xii. vers parlay de Jhesu Crist
                        Par avant ce qu’il preist char humaine
                        En la Vierche qui nostre rachat fist,
5                      Et fut tout voir ce que ma bouche en dist,
                        Aussi sera la clause derreniere
                        Des corps lever, vueil reciter mon dit

                        Du cerf volant a la teste legiere.
                        Aprés le temps qu’en la haie foraine
10                    Yert du sanglier le lyon desconfit,
                        Prins et mené devers la Grant Bretaigne
                        Et que chascuns ara Gaule en despit,
                        Yert l’asne blanc saiges par son edit
                        Ses pastures recouvrera arriere
15                    Sur le sanglier, lors venra le proufit
                        Du cerf volant a la teste legiere.                                                         41d

                        Sur les froumis aura victoire plaine
                        Ains .xiiii. ans ou lac plain de delit,
                        Lors destruira mainte veste villaine
20                    Et regnera mieulx qu’onques cerfs ne fist,
                        Et conquerra pluseurs bestes, s’il vit.
                        L’asne pesantquerra en sa bruiere
                        Qui se rendra pour la paour fuitif
                        Du cert volant a la teste legiere.