Balade 177 : Vous qui a court royal servéz (CLXXIX)

Autre Balade

                       Vous qui a court royal servéz,
                        Entendéz mon enseignement.
                        Oéz, voiéz, taiséz, souffréz,
                        Et vous menéz courtoisement.
5                      Faictes bien, servéz loyaument.
                        Mais cellui qui grace y aura
                        Acquiere un lieu secretement
                        Pour aler quant la court faurra.
                        En servant ne vous endorméz,
10                    Car la cour fault soudainement,

                        Ou par mort, que vous l’entendéz,
                        Ou par rappors faiz faussement,
                        Ou par trop y avoir de gent.                                                                 39b
                        Et quant la court se restraindra,
15                    Qui n’a hostel, il est dolent
                        Pour aler quant la cour faurra.
                        Li temps s’en va vous le sçavéz
                        Et grace y fault en un moment,
                        Le futur regarder devéz
20                    Que vous soiéz[1] indigent,

                        Et s’il vous vient nul[2] accident
                        Cas pourveus vous secourra,
                        Lors diréz : J’ay receptement
                        Pour aler quant la court faurra.
                        L’envoy
25                    Prince, le froumi nous aprant
                        Le temps futur et le present.
                        Saiges est qui garde y prandra,
                        Car il se pourvoit cautement
                        Et porte en son trou le froument,
30                    Pour aler quant la court faurra.

[1] Ms. ne soiéz

[2] Ms. aucun