Balade 176 : J’ay le cuer bon, mais lecorps ne puet rien (CLXXVIII)
Balade
J’ay le cuer bon, mais le corps ne puet rien.
Argent me fault, mais trover ne le puis.
J’ay les jambes de trop foible merrien,
Graille le corps, des bras trop menuz suis.
5 J’ay voulenté, mais de force suis vuis.
Je parle trop, mais po vail enz ne hors.
Merveilles faiz partout ou je me truis : 39a
Il ne me fault que finance et bon corps.
Quant j’ay de quoy, je boy et mangue bien,
10 Ja ne serois de fort jangler destruis.
Voulentiers vois, mais j’ay petit du mien :
Pour journoier seroie tot destruis.
J’en tue un cent et les jette en un puis,
Par mon parler en sont .iiiic. mors.
15 Je me combat et de jour et de nuit :
Il ne me faultque finance et bon corps.
Je ne desir fors que Saint Julien
Et son hostel, dont bon fait trouver l’uis.
De saint George pas grant compte ne tien,
20 De sa guerre n’est mie grant deduis.
Et sy sui je bien de ses armes duis :
De gent tuer y ai je un millier mors.
Se grant fusse, je feisse trop d’ennuis :
Il ne me fault que finance et bon corps.
