Balade 152 : Selon les fais et livres anciens (CLIII)

Autre Balade

                        Selon les fais et livres anciens
                        Orent jadis vaillance les Grejois,
                        Saiges furent Athenienciens,
                        Et les Rommains establirent les loys,
5                      Tout le monde soumirent une fois
                        Soubz leur povoir par leur bonne ordonnance.
                        Le bien commun orent en remembrace
                        Ne povreté n’orent pour lors despite.
                        Qui ainsi fait, il regne en grant puissance.
10                    Qui autrement fait, il se desherite.

                        Apparoir puet par les Assyriens
                        Dont le sires fut uns trespuissans Roys,
                        De Trois[1] aussi, des Babiloniens
                        Dont les regnes furent grans et adrois,
15                    […][2]
                        Qu’ilz perdirent par leur oultrecuidance
                        De convoitier trop d’or et de finance,
                        Qui a nul prince en tel cas ne proufite.
                        Large cuer ait et bonne souffisance,
20                    Qui autrement fait, il se desherite.

                        Regarde es faiz des bons Machabiens,
                        Et par quel art vient honneur aux François,
                        Combien dura, puis vient aux Albiens,
                        Comment Romme perdit armes et drois
35                    […][3]
                        Qui les conquist, et par quelle ignorance
                        De trop vouloir amonceler chevance.
                        Et comment Dieux rent chascun sa merite.
                        Advise toy, met en lui t’esperance,                                                     34b
30                    Qui autrement fait, il se desherite.

[1] Saint Hilaire corrige en Troie

[2] Vers manquant non signalé ou vers non édité.

[3] Vers manquant non signalé ou vers non édité.