Balade 150 : Comment sont ceuls de tresbonne heure né (CLI)

Autre Balade

                        Comment sont ceuls de tresbonne heure né
                        Qui bien tendront vraie foy crestienne,
                        Et qui s’i sont des jonesse ordonné,
                        En despitant la vie terrienne !
5                      Car par la loy nouvelle et ancienne
                        Servir a Dieu est perpetuel regne.
                        Mais au jour d’ui partout double loy regne.

                        A mal faire est chascun habandonné,
                        Prandre et ravir chose qui n’est pas sienne.                                      33d
10                    Convoitise a le monde ainsi mené
                        Que Nature est la loy cotidienne.
                        Et si voions une foy arrienne
                        Regner souvent entre saint eschevé,
                        Mais au jour d’ui partout double loy regne.

15                    Raison et Sens sont du tout decliné
                        De la vie mechant celestienne.
                        Briefment devroit ce monde estre finé,
                        Toute doleur est advenir prouchaine.
                        O, saint Pere, que fait l’Eglise tienne ?
20                    Le cheval d’or veult chevauchier sanz resne,
                        Mais au jour d’ui partout double loy regne.