Balade 141 : Par fondement me doy plaindre et plourer (CXLI)

Autre Balade

                        Par fondement me doy plaindre et plourer,
                        Et regreter des .ix. preux la vaillance,
                        Car je voy bien que je ne puis durer,
                        Confort me fuit, honte vers moy s’advance.
5                      Convoitise met en arrest sa lance
                        Qui me destruit mon plus boble pais.
                        Preux Charlemaine, se tu feusse[1] en France,
                        Encor y fust Rolans, ce m’est advis.

                        Alixandres, qui ot a justicier
10                    Tout le monde par sa bonne ordonnance,
                        Quant il sçavoit un povre chevalier
                        Armes, chevaulx lui donnoit et finance,
                        Pour sa bonté lui faisoit reverence.
                        De ce faire sont les plus hauls remis.
15                    Preux Charlemaine, se tu feusse[2] en France,
                        Encor y fust Roland, ce m’est advis.

                        Car chascun jour me fault admenuisier,
                        Par le default de vraie congnoissance,
                        Et par Deduit qui tient en son dangier
20                    Cellui qui doit en moy faire deffense,
                        Par le jeune conseil qu’il a d’enfance.
                        Dont Roboan fu convaincus jadis.
                        Preux Charlemaine, se tu feusse[3] en France,
                        Encor y fust Rolant, ce m’est advis.

[1] Ms. feusses

[2] Ms. feusses

[3] Ms. feusses