Balade 108 : Toute chose qui en joie commence (CVIII)

Balade

                        Toute chose qui en joie commence
                        Se defenist et par forme de plour,
                        Si me merveil pour quoy chascun n’y pence.
                        Car regardéz noces de grant atour :
5                      Le premier mort, c’est tout dueul et tristour,
                        Des .ii. costéz est chascun noir vestus.
                        De guerre autel, tournay, jouste ou estour.
                        Que ne laissons vanité pour vertus ?

                        On se destruit pour un pou de plaisance
10                    Ou nul bien n’a fors sotie et folour,
                        Orgueil de cuer, vaine gloire et despence
                        Que les chetis veulent nommer honnour,
                        Ou chascun pert. Du bien commun l’amour
                        Cesse et perist, dont maint son malostrus.
15                    Jouste et tournois en guerre n’est querrour.
                        Que ne laissons vanité pour vertus ?

                        Frere et cousin l’un contre l’autre lance,
                        Par envie frappent et font maint tour.
                        A terre vont par un dur coup de lance,
20                    A ce faire s’afolent li plusour.
                        Celle joie leur mue en grant doulour
                        Dont ilz furent au premier revestus.
                        Et quant ilz ont dommaige et deshonour,
                        Que ne laissons vanité pour vertus ?

                        L’envoy

25                    Prince, qui a guerre a quelque seignour                                            25b
                        Ne doit penser fors d’en estre au dessus :
                        S’autrement fait, il en a du piour.
                        Que ne laissons vanitéz pour vertus ?