Balade 90 : Pres a d’un an que je suis messagier (XC)
Autre Balade
Pres a d’un an que je suis messagier
Et que toudis au la boiste portee,
Lettres aussi, et souffert main dangier
Pour iic frans en la haulte contree.
5 Souvent y ay fait yssue et entr’e,
Mais en un point y est toudis mon fait :
Quant plus y vois et moins sçay c’om y fait.
Or ne me sçay plus a qui adrecier,
Ceuls ou je vois ont fortresce changee.
10 Comme Dieu font qui s’ala remucier,
Car nulz ne scet leur venue ou alee,
Et si les quier toute jour ajournee :
Ou diable puet or estre leur retrait ?
Quant plus y vois et moins sçay qu’on y fait.
15 Si me fauldra ma poursuite laissier,
Ma lettre aussi qui est verifiee, 21b
Car je n’ay plus m[a]aille ne denier.
A poursuir ma finance est usee.
Mes deux seigneurs, faittes que delivree
20 Soit ma somme, sanz plus faire l’agait.
Quant plus y vois, et mons sçe c’on y fait.
