Balade 54 : Tresdoulz compains, dit on riens de nouvel ? (LIV)

Balade        13b

                   Tresdoulz compains, dit on riens de nouvel ?
                   Arons [nous] plus joie n’esbatement ?
                   ― Au jourd’ui n’est ne feste ne revel
                   Fors que procés, guerre, plait et tourment.
5                 Haine voy regner trop durement,
                   A convoitier est tout le monde prest.
                   ― Que fera l’en ? ― Je te respons briefment :
                   Il fault prandre le temps si comme il est.

                   ― Voire, par Dieu ! mais ce temps n’est pas bel,
10               Car je n’y voy nul certain jugement
                   Bien congneu, de vaillant faire appel,
                   Ne prodomme qui ait avancement.
                   Mais j’apperçoy que qui jangle et qui ment,
                   Qui s’orgueillist, qui grandement se vest,
15                Ceuls ont estat. ― Tais toy, vi liement :
                   Il faut prandre le temps si comme il est.

                   Faire convient o les pors le pourcel,
                   O les chevaulx le cheval et jument,
                   O les corbeaulx fault faire le corbel,
20               O les coulons fault vivre simplement,
                   O les renars renarder ensement,
                   Puis qu’on ne puet trouver certain arrest.
                   D’un et d’autre pran ton gouvernement :
                   Il faut prendre le temps si cimme il est.