Balade 48 : Quarante ans a chanté de Requiem (XLVIII)

Autre Balade

                   Quarante ans a chanté de Requiem
                   Nostre curé, sanz faire porter paix.
                   Tant qu’il ne scet d’autre service rien
                   Ne d’autre saint ne chantera jamais.
5                 On l’en a bien reprins pluseurs foiz, mais
                   Respondu a qu’il ensuivra son erre.
                   De Requiem chantera desormais :
                   Sanz paix avoir, [nous] aurons guerre, guerre.

                   Blamé l’en ont tuit si [ami] prouchain
10               Pour ce [se] sont assemblé clers et lays                         12a
                   Qui n’y ont peu trouver propre moien.
                   ― Et dont il est ? ― Il es d’oultre Calais,
                   Mais pour chanter lui est uns autelz fais,
                   Gravelingnes, dont li sien[1] cuer lui serre.
15                Quant il le voit, il crie a grans eslais.
                   Sanz paix avoir, [nous] aurons guerre, guerre.

                   De cel autel ne lui vendra nul bien,
                   Ne d’Ardre aussi, qui est un conté gais.
                   A Dumquerque puet bien perdre du sien,
20               A Boulongne pourra faire son lais.
                   Ces .iiii. lais lui feront tant d’agais,
                   Que sanz peril ne sauldra de sa terre.
                   Passons premier, ou sinon, doubte fais :
                   Saint paix avoir, [nous] aurons guerre, guerre.

                   L’envoy

20               Princes, pour Dieu, mette[2] chascuns du sien
                   Pour conquerir et pour sauver sa terre.
                   Passons la mer, ou j’apperçoy trop bien,
                   Sanz paix avoir, [nous] aurons querre, guerre.

[1] Ms. tous li sien

[2] Ms. mettéz