Balade 46 : Se Mort ne fust a tous si generale (XLVI)

Autre Balade

                   Se Mort ne fust a tous si generale,
                   Et qu’om peust rachater vie humaine
                   Par faire dueul, par plour[1], par intervalle
                   D’argent querir, par traveil ou l’en paine,                       11c
5                 Soufrir du corps, le pais de Champaigne
                   Plourer devroit et crier tousjours mais,
                   Pour recouvrer vie, mort et l’enseigne
                   Du noble Mille, evesque de Beauvais,

                   Qui a son temps a tenu belle salle,
10               Chancelier fut de la court souveraine,
                   Bons clercs et grans, et sanz maniere male
                   Doulz et courtois, sanz pensee villaine.
                   A Rosebech fut arméz sur la plaine,
                   Contre Flamens ou li conflis fut fais.
15                Chascuns rassoubz fut de coupe et de paine
                   Du noble Mille, evesque de Beauvais.                   Avec le Roy, qui leur orgueil ravale,
                   En[2] ce prelat, per de France en demaine,
                   Devant Bourbourc et au Dam, en Itale.
20               Nobles gent et[3] toudis en sa compaigne,
                   Chiens et oiseaulx, larges com Charlemaigne.
                   En tous estas fut puissans et parfais,
                   Tant qu’on parloit bien loing en Alemaigne
                   Du noble Mille, evesque de Beauvais.

                   L’envoy

25               Princes, pour plour ne pour rien qui aviengne,
                   Ce bon Dormans ne raverons jamais,
                   Pour ce, a tous de prier leur souviengne
                   Du noble Mille evesque de Beauvais.

[1] Ms. par plourer

[2] Saint Hilaire corrige en Fu

[3] Saint Hilaire corrige en ot