Balade 4 : On parle de seignourie (IV)

Autre Balade

                   On parle de seignourie
                   Et d’avoir auttorité.
                   Maus je ne sçay telle vie
                   Que de nette povreté.
5                 Souffisance est grant planté
                   A noble cuer franc et saige.
                   Richesce est mendicité
                   A tout convoiteus couraige.

                   Car par convoitier mendie
10                Et est en necessité,
                   Et riches a trop d’envie.
                   Sires de crudelité,
                   Orgueilleus est, sanz pité,                                              2a
                   Puis qu’il fait autrui dommaige.
15                Saige[1] est qui a resisté
                   A tout convoiteus couraige.

                   Encor vault mieulx, quoi c’om die,
                   Soufrir qu’avoir cruaulté :
                   Levéz est qui s’umilie,
20               L’orgueilleux est surmonté :
                   En la fin passe Bonté.
                   Or en prenons tuit l’usaige :
                   Renunçons par charit
                   A tout convoiteus couraige.

                   L’envoy

25               Princes, moult a proufité
                   Qui par raison, sans oultraige,
                   N’a eu nulle affinité
                   A tout convoiteus couraige.

[1] Ms. Saiges