Virelay 32 : Humilité porteray (DCCXVI)

Virelay

            Humilité porteray
            Tousjours et humble seray
                        Secretement.
            Et sanz changer nullement
5                      Obeiray
            Celle que j’aim loiaument.

            Car quant premier l’avisay,
            Elle me tray d’un ray
                        Si doucement
10        De ses doulx yeux que j’en ay
            Le cuer ravi d’amour vray
                        Si fermement
            Que ja ne l’oubli[e]ray,
            Ainçoiz tous liges[1] seray
15                    En son commant,
            Comme cilz qui ligement
                        La serviray
            Sanz faire departement.
            Humilité [porteray.]

20        Ainsi me delicteray,
            Et ce doulz mot escriray
                        Songneusement
            Par tous les lieux ou je yray,
            Dont j’espoir que je vivray
25                    Plus longuement,

            Quant je me ramenberay     191b
            De celle pour qui je l’ay
                        Prins humblement.
            A haulte voix, clerement,
30                    Lors chanteray
            De bon cuer, joyeusement :
            Humilité porteray etc.

[1] Ms. linges