Rondeau 151 : Sur tous les biens de ceste vie humaine (MCCLXIV)

Rondeau

                        Sur tous les biens de ceste vie humaine
                        A preferer fait la chose publique
                        Qui pour chascun en general s’applique.
                        Gardee fut fort de la gent rommaine
5                      En leur cité, en la guerre pugnique :
                        Sur tous les biens [de ceste vie humaine
                        A preferer fait la chose publique.]
                        Tant l’aerent, tant en prindrent de paine
                        En divers lieux, en Espaingne, en Aufrique
10                    Et autre part, qu’aparoir nous puet, si que
                        Sur tous les biens de ceste vie humaine
                        A preferer fait la chose publique
                        Qui pour chascun en general s’applique.