Rondeau 150 : Li homs qui vit en leesce et en joie (MCCXIX)
Rondel de ce meismes
Li homs qui vit en leesce et en joie, 330d
Sanz soy troubler des fortunes du monde,
Vit longuement, s’il maine vie ronde.
Mais tristes homs que tristessce desvoye
5 Le maine a fin, dont a joie parfonde
Li homs qui fit en leesce et en joie
Sanz soy troubler des fortunes du monde.
Puis qu’ainsis est, tout homme a ce pourvoye
Et soit joieux, gracieus, net et monde,
10 Sanz tristoyer, car sur ces pons se fonde :
Li homs qui vit en leesce et en joye,
Sanz soy troubler des fortunes du monde
Vit longuement, s’il maine vie ronde.